Category Archives: Հանդիպումներ

Աշխատանքային հանդիպումներ Կոտայքի մարզի համայնքներում

Ս/թ ապրիլի 15-ին Կոտայքի մարզի Նոր Գեղի, Նոր Արտամետ և Մրգաշեն համայնքների գյուղապետարաններում տեղի ունեցան աշխատանքային հանդիպումներ: Հանդիպումների ընթացքում մասնակիցների հետ քննարկվեցին համայնքներին սպառնացող վտանգները , խոցելիության տարրերը, աղետներին դիմակայելու համար անհրաժեշտ կարողությունները, որոնք առկա են համայնքներում : Հանդիպումներին ներկա էին ներկայացուցիչներ Կոտայքի մարզի փրկարարական վարչությունից, «Լոռէ» փրկարար ջոկատից, «ԱՌՆԱՊ» հիմնադրամից և գյուղապետարաններից: Հանդիպումներին զուգահեռ Տարածքային կառավարման և արտակարգ իրավիճակների նախարարության (ՏԿԱԻՆ) Ճգնաժամային կառավարման պետական ակադեմիայի (ՃԿՊԱ) Ստեփանավան քաղաքի ուսումնական կենտրոնի ուսանողները և ՏԿԱԻՆ կամավորները նշված համայնքների բնակչների հետ անցկացրեցին հարցումներ՝ համայնքին սպառնացող վտանգների վերաբերյալ : Հարցումների և քննարկումների արդյունքների հիման վրա կմշակվեն համապատասխան քայլեր` ուղղված աղետների ռիսկի նվազեցմանը:

Միջոցառման լուսանկարները կարող եք դիտել arnap.am հղումով:

Մոնիթորինգ-այց Տավուշի մարզ

Ս/թ ապրիլի 2-ին Տավուշի մարզի Ներքին Ծաղկավան համայնքի միջնակարգ դպրոցի աշխատակազմի հետ տեղի ունեցավ աշխատանքային հանդիպում, որի ընթացքում քննարկվեցին դպրոցում առկա խնդիրները, մասնավորապես՝ տարհանման աշխատանքների կազմակերպման հետ կապված:
Հանդիպման վերջում դպրոցում անցկացվեց ԱՌՆ թեմայով մրցույթ-վիկտորինա:
Այնուհետև մարզի «Հույսի կամուրջ» կենտրոնում իրականացվեց ուսումնավարժություն «Կենտրոնի աշակերտների և անձնակազմի տարհանման կազմակերպումը հրդեհի դեպքում» թեմայով:
Ուսումնավարժության ընթացքում մարզի փրկարարական վարչության կողմից իրականացվեցին տարհանման և տուժածներին առաջին օգնության ցուցաբերման աշխատանքներ :
Աշխատանքային օրվա ավարտին մարզպետարանում տեղի ունեցավ աշխատանքային հանդիպում ԱՌՆ մարզային թիմի անդամների, հասարակական կազմակերպությունների ներկայացուցիչների հետ, որի ժամանակ քնարկվեցին տեղական մակարդակում աղետների ռիսկի գնահատման արդյունքները , որոնք իրականացվել են մարզի Հովք, Ծաղկավան, Ակնաղբյուր և Սևքար համայնքներում:
Միջոցառումները կազմակերպել էին Օքսֆամ Հայաստանը, «Հույսի կամուրջ» ՀԿ-ն և Տավուշի մարզային փրկարարական վարչությունը:

... Կարդալ ավելին

Մոնիթորինգ-այց Վայոց Ձոր

Ս/թ ապրիլի 1-ին տեղի ունեցավ աշխատանքային հանդիպում Վայոց Ձորի մարզպետ Հարություն Սարգսյանի հետ:
Հանդիպմանը ներկա էին Հայաստանում Օքսֆամ-ի տնօրեն Մարգարիտա Հակոբյանն՝ իր աշխատանքային խմբով, ՀՀ Վայոց Ձորի մարզային փրկարարական վարչության պետ՝ Տիգրան Պետրոսյանը, «Ընդդեմ իրավական կամայականության» ՀԿ-ի Եղեգնաձորի և Վայքի ղեկավարները, ներկայացուցիչներ «Ապավեն համայնքներին» ԲՀԿ-ից, ինչպես նաև Օքսֆամ-ի Հումանիտար ծրագրի Հայաստանի և Վրաստանի կոորդինատոր Աննա Պալոնկան:

... Կարդալ ավելին

Հանդիպում Ասիական Զարգացման Բանկի ներկայացուցիչների հետ

Ս.թ. ապրիլի 3-ին, «Հուսո տուն» բարեգործական կենտրոնում Աղետների ռիսկի նվազեցման ազգային պլատֆորմի (ԱՌՆԱՊ) շրջանակներում տեղի ունեցավ հանդիպում Ասիական զարգացման բանկի (ԱԶԲ) ներկայացուցիչների հետ:

Հանդիպման նպատակն էր քննարկել ԱԶԲ-ի` դպրոցների սեյսմիկ ամրացման վարկային ծրագիրը:

Հանդիպմանը մասնացում էին պարոն Յե Յոնգը (ԱԶԲ, քաղաքային զարգացման տնտեսագետ), տիկին Գոհար Մուսաելյանը (ԱԶԲ, ծրագրերի ավագ պատասխանատու), պարոն Փիթեր Յանևը (ԱԶԲ, երկրաշարժերի և բնական երևույթների ռիսկի կառավարման խորհրդատու), պարոն Էնդրյու Յանևը (ԱԶԲ, երկրաշարժերի և բնական երևույթների ռիսկի կառավարման խորհրդատու), պարոն Անիլ Փոխրելը (ԱԶԲ, Աղետների ռիսկի կառավարման մասնագետ), Ալեքս Յորգանսենը (ԱԶԲ, քաղաքային զարգացման խորհրդատու), տիկին Շուշան Կուրկչյանը (ԱԶԲ խորհրդատու), պարոն Մովսես Պողոսյանը (ԱՌՆԱՊ տնօրեն), պարոն Արա Բարսեղյանը (ԱՌՆԱՊ փոխտնօրեն) և Մարգարիտա Մինասյանը (ԱՌՆԱՊ տնօրենի օգնական):

... Կարդալ ավելին

Աշխատանքային հանդիպում «ԱՌՆ քաղաքային համայնքներում ծրագրի իրավական կոմպոնենտի համալրումը»

Սույն թվականի փետրվարի 18-ին «Անի Պլազա» հյուրանոցում ԱՌՆ ազգային պլատֆորմի շրջանակներում Հայկական Կարմիր Խաչի ընկերության (ՀԿԽԸ) նախաձեռնությամբ տեղի ունեցավ «Իրավական կոմպոնենտի համալրումը ԱՌՆ քաղաքային համայնքներում» ծրագրի վերաբերյալ աշխատանքային հանդիպում և քննարկում:
Հանդիպմանը ներկա էին ներկայացուցիչներ ԱՌՆԱՊ հիմնադրամից,Կարմիր Խաչի և Կարմիր Մահիկի միջազգային ֆեդերացիայի Ժնևյան գրասենյակից (ԿԽԿՄ ՄՖ), ՀԿԽԸ-ից , ՀՀ Տարածքային կառավարման և արտակարգ իրավիճակների նախարարության (ՏԿԱԻՆ) տարբեր ստորաբաժանումներից, ՀՀ ՏԿԱԻՆ ճգնաժամային կառավարման պետական ակադեմիայից (ՃԿՊԱ), Երևանի քաղաքապետարանից, Ճապոնիայի միջազգային համագործակցության գրասենյակից, ՄԱԿ-ի զարգացման ծրագրից, ՅՈՒՆԻՍԵՖ, Օքսֆամ, Վորլդ Վիժըն և «Սեյվ դը չիլդրեն» միջազգային կազմակերպությունների հայաստանյան գրասենյակներից:

... Կարդալ ավելին

2016-2020 թթ. ՄԱԿ-Հայաստան զարգացման աջակցության ծրագրի (ՄԱԿԶԱԾ) առաջնահերթությունների որոշման գործնական հանդիպում

Սեպտեմբերի 23-24-ին Երևանի «Արմենիա Մարիոթ» հյուրանոցում տեղի ունեցավ հանդիպում, որին ներկա էին ներկայացուցիչներ ՀՀ Կառավարությունից, ՄԱԿ-ից, «ԱՌՆԱՊ» հիմնադրամից, այլ շահագրգիռ կառույցներից և քաղաքացիական հասարակությունից:
Բացման խոսքով հանդես եկան Հայաստանում ՄԱԿ-ի մշտական համակարգող, ՄԱԶԾ մշտական ներկայացուցիչ Բրեդլի Բուզետտոն և ՀՀ Կառավարության աշխատակազմի ղեկավար, նախարար Դավիթ Հարությունյանը: Վերջինս ներկաներին փոխանցեց ՀՀ վարչապետ Հովիկ Աբրահամյանի ուղերձը, որում շեշտվում էր Հայաստան-ՄԱԿ ակտիվ ու արդյունավետ համագործակցության կարևորությունը:

... Կարդալ ավելին

Հանդիպում <<Հայաստանում սոցիալական պաշտպանության համակարգերի հզորացման>> ծրագրի շրջանակներում

Սեպտեմբերի 3-ին <<Հայաստանում սոցիալական պաշտպանության համակարգերի հզորացման>> ծրագրի շրջանակներում տեղի ունեցավ հանդիպում-ծանոթություն Աջափնյակ համայնքի Ինտեգրված սոցիալական ծառայությունների կենտրոնի աշխատակիցների հետ՝ տնօրեն Սամամ Ասլանյանի ղեկավարությամբ:

Հանդիպմանը մասնակցում էին <<Աղետների ռիսկի նվազեցման ազգային պլատֆորմ>> հիմնադրամի փոխտնօրեն, ծրագրի ղեկավար Արա Բարսեղյանը, ԱԻՆ զարգացման ծրագրերի վարչության պետ ԱրաԱսլանյանը և ԱԻՆ Ճգնաժամային կառավարման պետական ակադեմիայի ռեկտոր Համլետ Մաթևոսյանը: Հանդիպման շրջանակներում Ինտեգրված սոցիալական ծառայությունների կենտրոնի աշխատակիցները ներկայացրեցին իրենց գործունեության ոլորտները, արդի խնդիրները, սոցիալական ծառայությունների զարգացմանը նպաստող պայմանների ստեղծման անհրաժեշտությունը, ինչպես նաև՝ հասարակական և միջազգային կազմակերպությունների հետ համագործակցության արդյունավետության հեռանկարները:
Ծրագրի թիմն իր հերթին ներկայացրեց ծրագրի նպատակը, նախատեսված քայլերն ու ակնկալվող արդյունքները, ինչպես նաև ԱՌՆԱՊ-ի շրջանակներում հետագա համագործակցության հնարավորությունները:
Հանդիպումն ավարտվեց հետագա համագործակցության նկատմամբ մեծ հետաքրքրվածությամբ և պատրաստակամությամբ:

... Կարդալ ավելին

ԲԱԶՄՈԼՈՐՏ ՆԱԽՆԱԿԱՆ ԱՐԱԳ ԳՆԱՀԱՏՈՒՄ (ԲՆԱԳ/MIRA) ՄԵԹՈԴԱԲԱՆՈՒԹՅԱՆ ՆԵՐԴՐՄԱՆ ԹԵՄԱՏԻԿ ԽՄԲԻ ՀԱՆԴԻՊՈՒՄ

Ս/թ օգոստոսի 6-ին «Հուսո տուն» բարեգործական կենտրոնում տեղի ունեցավ ԲՆԱԳ թեմատիկ խմբի հանդիպում։ Հանդիպմանը մասնակցում էին Ա. Սարգսյանը՝ ՄԳՀԳ Հայաստանից, Ա. Դավթյանը՝ ՀՀ ԱԻ նախարարությունից, Ա. Մուրադյանը՝ ՀՀ ԱԻ նախարարությունից, Ա. Բարսեղյանը՝ ԱՌՆԱՊ հիմնադրամից:

... Կարդալ ավելին

«Տեղական մակարդակում ռիսկերի կառավարման» թեմատիկ խմբի հանդիպում

Մայիսի 30-ին ժամը 15.30-ին «Հուսո տուն» բարեգործական կենտրոնում տեղի ունեցավ «ՏՄՌԿ» թեմատիկ խմբի հանդիպում: Հանդիպմանը մասնակցեցին ներկայացուցիչներ «Լոռէ» փրկարար ջոկատից, Միավորված ազգերի զարգացման ծրագրից, «Ապավեն համայնքներին» ՀԿ-ից, Օքսֆամ Հայաստանից, «Աղետների կառավարման եվ հանրային իրազեկման» կենտրոնից, Վորլդ Վիժըն Հայաստանից:

... Կարդալ ավելին