ՏՄՌԿ գործիքի քննարկում

Ս/թ հունիսի 25-ին տեղի ունեցավ աշխատանքային հանդիպում, որի նպատակն էր համայնքների վտանգները բնութագրող փաստաթղթին տալ անվանում, որը չի հակասի ՀՀ-ում գործող օրենքներին և կհամապատասխանի փաստաթղթի բովանդակությանը:
Հանդիպմանը մասնակցում էին ներկայացուցիչներ Աղետների ռիսկի նվազեցման ազգային պլատֆորմ հիմնադրամից, Տարածքային կառավարման և արտակարգ իրավիճակների նախարարությունից, ՄԱԿ-ի զարգացման ծրագրից, Վորլդ Վիժնից, Լոռէ փրկարար ջոկատից, Ճգնաժամային կառավարման պետական ակադեմիայից և ՄԱԿ-ի հումանիտար աջակցության գրասենյակից:

... Կարդալ ավելին

Դաշտային ուսումնավարժանք Շիրակի մարզում

Ս/թ հունիսի 24-ին «Կառուցենք դիմակայուն տեղական համայնքներ Վրաստանում և Հայաստանում» ծրագրի շրջանակներում Շիրակի մարզի Կապս համայնքում տեղի ունեցավ դաշտային ուսումնավարժանք, որը ֆինանսավորվում էր Եվրոպական հանձնաժողովի մարդասիրական աջակցության և բնակչության պաշտպանության վարչության գրասենյակի (DIPECHO) կողմից :

... Կարդալ ավելին

ԱՌՆ ծրագրի ամփոփիչ միջոցառում Բիշկեքում

Այսօր` հունիսի 25-ին, Ղրղզստանի մայրաքաղաք Բիշկեքում տեղի ունեցավ «Աղետների ռիսկի նվազեցման (ԱՌՆ) ազգային պլատֆորմներ. Պատրաստվածության և կանխարգելման կոնտեքստում համագործակցության և համակարգման հզորացում» ծրագրի ամփոփիչ միջոցառումը: Վերջինս կազմակերպվել էր Ղրղզստանի Հանրապետության արտակարգ իրավիճակների նախարարության և Գերմանական ԱՌՆ կոմիտեի համատեղ ջանքերով: Ծրագիրն իրականացվել է Ղրղզտանի Հանրապետության` աղետների նվազեցման ազգային պլատֆորմի քարտուղարության հետ համատեղ:

Ծրագրի հիմնական նպատակն էր հզորացնել ԱՌՆ ազգային պլատֆորմների, հատկապես` Ղրղզստանի ազգային պլատֆորմի կարողությունները, որը կնպաստի բնակչության և երկրի դիմակայունության հզորացմանը և աղետների ռիսկը նվազեցմանը:
Հայաստանի ԱՌՆ ազգային պլատֆորմի տնօրեն Մովսես Պողոսյանը նույնպես մասնակցել է միջոցառմանը և ներկայացրել «ԱՌՆ ազգային պլատֆորմ. Համագործակցությունը գործընկերների հետ» թեմայով զեկույց «Սենդայի շրջանակային փաթեթ. Գործընկերների և համագործակցության դերը կայուն զարգացման և մարդասիրական աջակցության համար» բանավեճ-քննարկման ժամանակ:
Միջոցառման ժամանակ փոխհամագործակցության հուշագիր է կնքվել Հայաստանի և Գերմանիայի ԱՌՆ ազգային պլատֆորմների միջև:

... Կարդալ ավելին

«Դարձնենք քաղաքները դիմակայուն. իմ քաղաքը պատրաստվում է» թեմայով հրահանգչային դասընթաց

Ս/թ հունիսի 16-ից 18-ը ՄԱԿ-ի հայաստանյան գրասենյակում ՀՀ տարածքային կառավարման և արտակարգ իրավիճակների նախարարության, ՄԱԿ-ի զարգացման ծրագրի, ՄԱԿ-ի աղետների ռիսկի նվազեցման (ԱՌՆ) միջազգային գրասենյակի, ԱՌՆ ազգային պլատֆորմ հիմնադրամի և Ճգնաժամային կառավարման պետական ակադեմիայի համատեղ ջանքերով կազմակերպվել էր «Դարձնենք քաղաքները դիմակայուն. իմ քաղաքը պատրաստվում է» թեմայով հրահանգչային դասընթաց:

... Կարդալ ավելին