Հերթական առցանց հանդիպումը տեղի ունեցավ՝ «Հիվանդանոցների անվտանգություն և արտակարգ իրավիճակներին արձագանքնելու պատրաստվածություն» ծրագրի շրջանակներում:
Նպատակն էր՝ ծրագրային փորձագետներին ներկայացնել և քննարկել հիվանդանոցների ուսումնասիրության ժամանակ բացահայտված խնդիրների և դրանց լուծմանն ուղղված առաջարկությունների ներկայացման մեկ միասնական ձևաչափը:
Հունիսի 25-27, 2020թ.: Առաջին գործնական աշխատանքները իրականացրինք «Հիվանդանոցների անվտանգություն և արտակարգ իրավիճակներին արձագանքնելու պատրաստվածություն» ծրագրի շրջանակներում՝ «Վաղարշապատի հիվանդանոց» ՊՓԲԸ-ում:
Նպատակներն էին.
1. ուսումնասիրել նշված հիվանդանոցն Առողջապահության համաշխարհային կազմակերպության (ԱՀԿ) «Հիվանդանոցային անվտանգության ինդեքս» մեթոդաբանությամբ՝ բացահայտել հիվանդանոցի անվտանգությանը սպառնացող վտանգները, հիվանդանոցի շենքերի կառուցվածքային և ոչ կառուցվածքային անվտանգության մակարդակը (հիմքեր, սյուներ, հեծաններ, կրող պատեր, էլեկտրամատակարարում, ջրամատակարարում, կոյուղի, օդափոխություն և այլն) և ուսումնասիրել հիվանդանոցի կառավարման համակարգը՝ հատկապես արտակարգ իրավիճակներում գործելու համատեքստում:
ԱՌՆԱՊ հիմնադրամը՝ ՄԱԿ-ի Զարգացման Ծրագրի (ՄԱԶԾ) ֆինանսավորմամբ, ինչպես նաև ՀՀ առողջապահության և արտակարգ իրավիճակների նախարարությունների անմիջական ներգրավվածությամբ և աջակցությամբ սկսում է մի նոր ծրագիր, որի հիմնական նպատակն է հզորացնել ՀՀ բժշկական հաստատությունների աղետների ռիսկի կառավարման կարողությունները:
Ուսումնասիրության շրջանակներում պլանավորված է իրականացնել ընդհանուր առմամբ 5010 ավարտական հարցում, որից 3000 հարցումը՝ տնային տնտեսությունների, 1550 բիզնես սեկտորի և 550 ֆերմերային տնտեսությունների հետ, ՀՀ մոտ 130 բնակավայրում:
Ուսումնասիրության ամբողջ գործընթացը համակարգվում է ՄԱԶԾ-ի կողմից` սերտորեն համագործակցելով UNFPA, UNAIDS, UN Women գործակալությունների և ՀՀ տարածքային կառավարման և ենթակառուցվածքների նախարարության հետ, որի շրջանակներում հարցումներ իրականացնելու, հավաքագրված տվյալների վերլուծությամբ՝ բիզնես սեկտորի և ֆերմերային տնտեսությունների մասով պատասխանատու է «Ի ՎԻ Քոնսալտինգ» ՍՊԸ-ն, իսկ տնային տնտեսությունների մասով` «Դեյթամոտուս» ՍՊԸ-ն, ում կողմից ուսումնասիրվում են նաև մի շարք խոցելի խմբերի կարիքներ (բազմազավակ ընտանիքներ, հաշմանդամություն ունեցող անձիք, նպաստառուներ, միայնակ ծերեր, փախստականներ)։Հարցումների արդյունքում հավաքագրված տվյալների վերլուծության բացահայտումների հիման վրա Երևանի և բոլոր մարզերի համար կձևավորվեն վաղ վերականգնմանն ուղղված առաջարկությունների փաթեթներ և ճանապարհային քարտեզներ, որոնք ակնկալվում է, որ օգտակար ներդրում կլինեն ՀՀ կառավարության, Երևան քաղաքի և այլ համայնքների համար՝ Քովիդ-19 համաճարակից վերականգնման պլանավորման գործում։ Վերջապես, այն կաջակցի` չեզոքացնելու նոր կորոնավիրուսային համավարակի ազդեցությունը միջնաժամկետ և երկարաժամկետ ապագայում, ինչպես նաև ի հայտ եկող կարիքների լուծմանը՝ շեշտը դնելով Հայաստանի առավել տուժած և խոցելի խմբերի, ինչպես նաև գործարարության վրա։
ԱՌՆԱՊ հիմնադրամն՝ որպես ՄԱԶԾ գործընկեր, ներգրավվել է ուսումնասիրության կազմակերպման գործընթացում՝ աջակցելով ՄԱԶԾ-ին և սոցիոլագիական ընկերություններին, անհրաժեշտ տվյալների հավաքագրման և հարցումներն իրականացնելու հարցերում:
Ս.թ մայիսի 27-ի տեղի ունեցավ հանդիպում-քննարկում Բերդ համայնքի թվով 7 դպրոցի ներկայացուցիչների հետ, որի հիմնական նպատակն էր լսել դպրոցների ներկայացուցիչներին դպրոցների կողմից՝ 2019-2020թթ. ուսումնական տարվա ընթացքում, աղետների ռիսկերի նվազեցման ուղղությամբ կատարած աշխատանքների մասին, ներկայացնել դպրոցներին դպրոցական ԱՌԿ պլանի կատարելագործման տեսանկյունից առաջարկություններ և խորհուրդներ, ինչպես նաև որպես դպրոցներին տրամադրվող աջակցություն ՅՈւՆԻՍԵՖ-ի և «Աղետների ռիսկի նվազեցման ազգային պլատֆորմ» հիմնադրամի կողմից գնված գույքի տրամադրման ընթացակարգը:
Օրերս «Աղետների ռիսկի նվազեցման ազգային պլատֆորմ» հիմնադրամը իրականացրեց առցանց հրահանգավորում՝ «Հումանիտար օգնության բաշխումը կորոնավիրուսային կարանտինի պայմաններում» թեմայով:
Հրահանգավորումը նախատեսված էր ՄԱԿ-ի զարգացման ծրագրի (ՄԱԶԾ) կամավորների համար, ովքեր ՄԱԶԾ-ի կողմից ձեռք բերված բնաիրային օգնությունը պետք է բաժանեին 100 բնակավայրի՝ 65 տարեկանից բարձր 1600 միայնակ ծերերին:
ՄԱԿ-ի բնակչության հիմնադրամի և «Աղետների ռիսկի նվազեցման ազգային պլատֆորմ» հիմնադրամի համագործակցության շրջանակներում՝ վերսկսվեցին «Արտակարգ իրավիճակներում վերարտադրողական առողջության նվազագույն նախնական ծառայությունների փաթեթ» թեմայով դասընթացների իրականացումը: Այս անգամ դասընթացները նախատեսված են Վայոց Ձորի բուժաշխատողների և հրշեջ փրկարարների համար:
Հունվարի 16-17-ին «Աղետների ռիսկի նվազեցման դաշինք» (ALTER) ծրագրի շրջանակում, «Աղետների ռիսկի նվազեցման ազգային պլատֆորմ»/ԱՌՆԱՊ հիմնադրամի և Հայաստանի ամերիկյան համալսարանի (ՀԱՀ) Պատասխանատու հանքարդյունաբերական կենտրոնի նախաձեռնությամբ իրականացվեց՝ «Աշխարհագրական տեղեկատվական համակարգերի (ԱՏՀ) դերը և կիրառումը աղետների ռիսկի կառավարման գործընթացներում․ ALTER ծրագրի արդյունքները» խորագրով դասընթացը։
Սույն ձեռնարկը նախատեսված է լայն շրջանակի ընթերցողների համար, ովքեր ուզում են սովորել ճիշտ և հմտորեն առաջին օգնություն ցուցաբերել տուժածին: Այն կարող է կիրառվել նաև որպես ուսումնական ձեռնարկ դպրոցներում, միջին մասնագիտական կրթական հաստատություններում և ԲՈՒՀ-երում առաջին օգնության ուսուցման համար:
