Հունիսի 28-ին տեղի ունեցավ «Աջակցություն Հարավային Կովկասի հաստատություններում և խոցելի համայնքներում աղետների ռիսկի նվազեցմանը» տարածաշրջանային ծրագրի մեկնարկը: Ծրագիրը ֆինանսավորվում է Եվրոպական հանձնաժողովի մարդասիրական օգնության և բնակչության պաշտպանության հարցերով գլխավոր վարչության կողմից` աղետների ռիսկի նվազեցման (ԱՌՆ) ԴԻՊԵԿՈ ծրագրի ներքո և Հայաստանում իրականացվում է Հայկական կարմիր խաչի ընկերության, ՕՔՍՖԱՄ-ի հայաստանյան մասնաճյուղի՝ ՕքսԵՋեն հիմնադրամի հետ համագործակցաբար, ՄԱԿ-ի մանկական հիմնադրամի (ՅՈՒՆԻՍԵՖ) հայաստանյան գրասենյակի, ՄԱԿ-ի զարգացման ծրագրի և «Սեյվ դը չիլդրեն» կազմակերպությունների կողմից՝ ՀՀ արտակարգ իրավիճակների, ՀՀ կրթության և գիտության, ՀՀ տարածքային կառավարման նախարարությունների և Աղետների ռիսկի նվազեցման ազգային պլատֆորմի հետ համագործակցությամբ:
Ծրագիրը նպատակ ունի բարձրացնել համայնքների դիմակայունությունը բնական վտանգներից խոցելի ոլորտներում և ամրապնդել համայնքների դիմակայունությունը բնական և մարդածին աղետների նկատմամբ: Այն կիրականացվի Շիրակի, Լոռու, Արագածոտնի, Գեղարքունիքի, Տավուշի, Արմավիրի, Սյունիքի մարզերում և Երևանում՝ որպես առաջնահերթ թիրախ ընտրելով երեխաներին, կանանց և հաշմանդամություն ունեցող անձանց:

... Կարդալ ավելին

Հունիսի 7-ից 9-ը ԱԻ նախարարությունը Շվեյցարիայի զարգացման գործակալության հետ համատեղ ՀՀ Շիրակի մարզում իրականացնում է 5 փրկարարական ջոկատների՝ «Երկրաշարժի դեպքում բնակչության պաշտպանության միջոցառումների իրականացումը և կազմակերպումը» թեմայով հրամանատարաշտաբային ուսումնավարժություն:

... Կարդալ ավելին

Ս/թ մայիսի 11-13-ը ՄԱԿ-ի մանկական հիմնադրամի տարածաշրջանային գրասենյակի նախաձեռնությամբ Ղազախստանի Ալմաթի քաղաքում տեղի ունեցավ Աղետների ռիսկի վերլուծության (ԱՌՎ) սեմինար, որի հիմնական նպատակն էր Անդրկովկասի և Միջին Ասիայի երկրների համար համաձայնեցնել տեղական մակարդակում երեխայազգայուն ԱՌՎ-ի համընդհանուր մոտեցումները, ինչպես նաև կայուն զարգացման ծրագրերում ԱՌՎ արդյունքների ներառման հետ կապված խնդիրները:

... Կարդալ ավելին