Դասընթաց ՀՀ արտակարգ իրավիճակների նախարարության աշխատակիցների համար

ՀՀ արտակարգ իրավիճակների նախարարության նախաձեռնությամբ և ԱՌՆ ազգային պլատֆորմ հիմնադրամի, ՄԱԿ-ի զարգացման ծրագրի և ՄԱԿ-ի մանկական հիմնադրամի աջակցությամբ մշակվում է Տեղական մակարդակում ռիսկի կառավարման (ՏՄՌԿ) մեթոդաբանության կիրառման մեթոդական ուղեցույց, որը հնարավորություն կտա համայնքներին սեփական ուժերով իրականացնել համայնքին սպառնացող վտանգների, դրանց նկատմամբ համայնքի խոցելիության և առկա կարողությունների բացահայտում ու գնահատում, ինչպես նաև մշակել ու համայնքի զարգացման ծրագրերում ներառել համապատասխան միջոցառումներ, որոնք հնարավորություն կտան կանխել ու կանխարգելել վտանգները, նվազեցնել խոցելիությունը և բարձրացնել առկա ռիսկերին դիմակայելու՝ համայնքի կարողությունները։

... Կարդալ ավելին

Մարտի 1-ը քաղաքացիական պաշտպանության համաշխարհային օրն է

Այսօր Քաղաքացիական պաշտպանության համաշխարհային օրն է: Այդ կապակցությամբ Հայաստանի բոլոր մարզերում և մայրաքաղաք Երևանում անցկացվեցին տարբեր թեմաներով 73 հատուկ տակտիկական ուսումնավարժանքներ:

Այն ուսումնական հաստատությունները, որոնք ընդգրկված չէին ՀՀ արտակարգ իրավիճակների նախարարության կողմից անցկացվող ուսումնավարժությունների մեջ, առաջին դասաժամի 20 րոպեն նվիրեցին ՔՊ համաշխարհային օրվան և քաղպաշտպանության խնդիրների քննարկմանը:

Նախապատմություն

Պատերազմների ժամանակ քաղաքացիական բնակչության պաշտպանությունը կարևորագույն հիմնախնդիր է համարվում։ Հիմնախնդրի լրջությունը պատկերացնելով ֆրանսիացի վիրաբույժ, գեներալ Սանտ Պոլը 1931 թ. Փարիզում հիմնում է «Ժնևյան գոտիներ» ասոցիացիան։ Ասոցիացիայի նպատակն էր առանձնացնել չեզոք գոտիներ կամ բաց քաղաքներ, որտեղ պատերազմների ժամանակ կարող էին ապաստանել քաղաքացիական բնակչությունը։

... Կարդալ ավելին