Category Archives: Նորություններ

ԱՌՆԱՊ Աղետների ռիսկի նվազեցման ազգային պլատֆորմ

Ավարտվեց «Կլիմայական ռիսկի գնահատումը Հայաստանի խոշորացված համայնքներում» ծրագրի նախապատրաստական փուլը

Օրերս «Աղետների ռիսկի նվազեցման ազգային պլատֆորմ» հիմնադրամը (ԱՌՆԱՊ), ՄԱԿ-ի մանկական հիմնադրամի (ՅՈՒՆԻՍԵՖ) հետ համատեղ և վերջինիս ֆինանսավորմամբ իրականացվող «Կլիմայական ռիսկի գնահատումը Հայաստանի խոշորացված համայնքներում» ծրագրի շրջանակներում կազմակերպեց աշխատանքային հանդիպում, որի նպատակն էր ներկայացնել, քննարկել և ամփոփել ծրագրի նախապատրաստական փուլի շրջանակներում կատարված աշխատանքները: ... Կարդալ ավելին

Բարելավվում է Սյունիքի մարզի հրշեջ-փրկարարների հրահանգչային հմտությունները

Ս.թ. հոկտեմբերի 12-ից 14-ը «Հասանելի համայնքային սոցիալական ծառայություններ» ծրագրի շրջանակներում «Աղետների ռիսկի նվազեցման ազգային պլատֆորմ» (ԱՌՆԱՊ) հիմնադրամը ՀՀ արտակարգ իրավիճակների նախարարության (ԱԻՆ) հետ համագործակցությամբ իրականացրեց եռօրյա հրահանգչային վերապատրաստման դասընթաց` ՀՀ ԱԻՆ Փրկարար ծառայության Սյունիքի մարզային փրկարարական վարչության և վարչության ենթակայության հրշեջ-փրկարարական ջոկատների 12 (10 տղամարդ, 2 կին) ներկայացուցիչների համար:

Դասընթացի նպատակն էր ներգրավված մասնագետներին վերապատրաստել որպես հրահանգիչներ, ովքեր մոտակա մեկ տարվա ընթացքում ստացած գիտելիքները և հմտությունները կիրառելով սեմինար – դասընթացներ կանցկացնեն Սյունիքի մարզի 114 դպրոցներում: ... Կարդալ ավելին

Արտակարգ իրավիճակներում վերարտադրողական առողջության հիմնախնդիրները քննարկվեցին Մասիսի, Արտաշատի և Արարատի բուժաշխատողների և հրշեջ-փրկարարների հետ

Հերթական նախաձեռնությունը կյանքի կոչվեց ՄԱԿ-ի բնակչության հիմնադրամի (ՄԱԲՀ) և «Աղետների ռիսկի նվազեցման ազգային պլատֆորմ» (ԱՌՆԱՊ) հիմնադրամի համատեղ համագործակցության շրջանակներում:

2017 թվականից ի վեր՝ ՄԱԲՀ ֆինանսական օժանդակությամբ ԱՌՆԱՊ հիմնադրամը վերապատրաստման դասընթացներ է իրականացրել հրշեջ-փրկարարների և բուժաշխատողների համար՝ «Վերարտադրողական առողջության հիմնախնդիրներն արտակարգ իրավիճակներում» թեմայով:
2017-2021թթ-ի ընթացքում դասընթացներն իրականացվել են Սյունիքի, Տավուշի, Շիրակի, Արմավիրի, Վայոց Ձորի և Արագածոտնի մարզերում, որի արդյունքում վերապատրաստվել են ավելի քան 1500 մասնագետ:

Այս տարի դասընթացները պլանավորվեց և իրականացվեց Արարատի մարզի Մասիս, Արտաշատ և Արարատ խոշորացված համայնքների հրշեջ-փրկարարական ջոկատների աշխատակիցների և բուժաշխատողների համար (6 մեկօրյա դասընթաց):

Դասընթացների նպատակն էր բուժաշխատողներին և փրկարարներին փոխանցել գիտելիքներ ու հմտություններ, որոնք թույլ կտան կազմակերպել ու արտակարգ իրավիճակներում գտնվողներին, հատկապես` հղիներին ու ծննդաբերող կանանց, ցուցաբերել անհետաձգելի վերարտադրողական ծառայություններ, ինչը կնպաստի մայրական ու նորածնային մահացության ու հիվանդացության մակարդակի իջեցմանն ու կանխարգելմանը։
Դասընթացների մասնակիցների հետ քննարկվեցին ճգնաժամային իրավիճակներում կանանց առանձնահատուկ կարիքները՝ հատուկ շեշտադրելով վերատադրողական առողջությունը, դրա հետ կապված խնդիրները: Խոսվեց ճգնաժամային իրավիճակներում սեռական բռնության, սեռավարակների տարածման, մայրական և նորածնային մահերի, անցանկալի հղիությունների ռիսկի մեծացման մասին: Ներկայացվեց «Նվազագույն նախնական ծառայությունները»՝ MISP ռազմավարությունը/արձագանքման մեխանիզմը, որը ժամանակավոր այլընտրանք/լուծում է իրենից ներկայացնում լայնամասշտաբ արտակարգ իրավիճակների ժամանակ, երբ գրանցվել է առողջապահական ծառայություններ (վերատադրողական առողջության ոլորտում) մատուցելու տեղական ռեսուրսի կորուստ, սակայն, անհրաժեշտության կա շարունակել բնակչությանը տրամադրել բազային բժշկական ծառայություններ:

Մասնակիցների հետ քննարկվեցին իրավիճակային խնդիրներ, ծննդաբերության մասին տեսաֆիլմեր ցուցադրվեցին, ներկայացվեց MISP «Մաքուր ծննդաբերության փաթեթ»-ը, որը նախատեսված է արտահիվանդանոցային պայմաններում հրատապ անհրաժեշտության պայմաններում ծննդօգնություն տրամադրելու համար: Մասնակիցներին տրվեց նաև գիտելիք ինչպե՞ս կազմակերպել ծննդօգնությունը:
Նախաձեռնության շրջանակներում դասընթացներին մասնակից կառույցներին տրամադրվեց «Մաքուր ծննդաբերության փաթեթ»-ներ (37 հատ ՀՀ ԱԻՆ ՓԾ մարզային փրկարարական ծառայության հրշեջ-փրկարական ջոկատներին (հավաքածուներն արձագանքման մեքենաներում միշտ ունենալու համար) և 17 հավաքածու տրամադրվեց բնակավայրերում գործող փոքր բժշկական կազմակերպություններին՝ որպես օրինակ ունենալու և ըստ անհրաժեշտության օգտագործելու համար):

Ընդհանուր առմամբ դասընթացին մասնակցեցին 122 մասնագետ (65 բուժաշխատող և 57 հրշեջ-փրկարար):
Դասընթացները վարեցին վերարտադրողական առողջության, պիրենատալոգիայի, մանկաբարձության և գինեկոլոգիայի ոլորտի բարձրակարգ մասնագետները:

Նոր գաղափարների քննարկում՝ ի նպաստ աղետների ռիսկի կառավարման (ԱՌԿ) ոլորտի զարգացմանը

ՀՀ արտակարգ իրավիճակների նախարարության նախաձեռնությամբ, «R5» կենտրոն հասարակական կազմակերպության (ՀԿ) առաջարկով և Աղետների ռիսկի նվազեցման ազգային պլատֆորմի (ԱՌՆԱՊ) շրջանակներում` ս.թ. սեպտեմբերի 23-ին տեղի ունեցավ աշխատանքային հանդիպում, որի նպատակն էր լսել «R5» ՀԿ-ի մասնագետներին, ովքեր նոր մոտեցում են առաջարկում աղետների ռիսկի կառավարման ոլորտում:

«R5» կենտրոն ՀԿ-ի կողմից մշակվել է ֆինանսական տեսանկյունից ծախսերի առաջնահերթությունը որոշող մեթոդաբանություն/գործիք, որը կիրառվել է այլ ոլորտներում և հնարավոր է ադապտացնել՝ նաև ԱՌԿ ոլորտում կիրառելու համար:
Կենտրոնի մասնագետները ներկայացրին մեթոդի/գործիքի էությունը, հնարավորությունները, աշխատանքի սկզբունքները և, թե ինչպես կարող է այն աջակցել ոլորտի զարգացմանը: Քննարկում ծավալվեց ներկայացվածի վերաբերյալ՝ հատուկ շեշտադրելով «Տեղական մակարդակում ռիսկի կառավարում» / ՏՄՌԿ մեթոդաբանությանն օժանդակող գործիք հանդիսանալու հնարավորությունները:

Հանդիպման ավարտին պայմանավորվածություն ձեռք բերվեց.
– «R5» կենտրոնին տրամադրել ներկայումս ԱՌՆԱՊ հիմնադրամի կողմից ՏՄՌԿ մեթոդաբանությամբ ուսումնասիրվող խոշորացված համայնքներից մեկի տվյալների բազան, որն օգտագործելով կենտրոնի մասնագետները կստանան որոշակի պատկեր, որը կհամեմատվի՝ առաջնահերթությունները որոշելու ՏՄՌԿ մեթոդաբանության մեջ օգտագործվող մեխանիզմների արդյուքների հետ:
– Կազմակերպել ևս մեկ հանդիպում ԱՌՆԱՊ-ի գործընկերների ավելի լայն շրջանակի ներգրավվմամբ, որի ժամանակ մեթոդը/գործիքը կներկայացվի ավելի մանրամասն:
Հանդիպմանը մասնակցում էին ՀՀ ԱԻՆ-ի, «R5» կենտրոն ՀԿ-ի և ԱՌՆԱՊ հիմնադրամի ներկայացուցիչները:

Մեկնարկում է նոր ծրագիր Ճամբարակ ԵՎ Արենի խոշորացված համայնքներում

«Ամերիկայի Միացյալ Նահանգների միջազգային զարգացման գործակալության» (ԱՄՆ ՄԶԳ) և «Հայաստանի ամերիկյան համալսարանի» (ՀԱՀ) ֆինանսավորմամբ Ճամբարակ և Արենի խոշորացված համայնքներում «ԱՌՆ ազգային պլատֆորմ» հիմնադրամը սկսում է 11 ամսյա ծրագիր` «Աջակցություն՝ կառավարելու COVID-19-ը և այլ վարակիչ հիվանդությունների բռնկումերը Հայաստանում», որի նպատակն է բարելավել Ճամբարակ և Արենի խոշորացված համայնքների դիմակայունության և պատրաստվածության մակարդակը աղետների ռիսկի՝ ներառյալ կորոնավիրուսային և այլ վարակիչ հիվանդությունների բռնկումների, ինչպես նաև՝ հանրային առողջապահության տեսանկյունից մտահոգություն առաջացնող արտակարգ իրավիճակների նկատմամբ։

Ծրագրով նախատեսված է՝
• Գնահատել թիրախ համայնքներին սպառնացող ռիսկերը, խոցելիության մակարդակը և կարողությունները ՏՄՌԿ մեթոդաբանությամբ և GIS պլատֆորմի կիրառմամբ։
• Մշակել թիրախ համայնքների (ներառյալ բուժհաստատությունների, դպրոցների և մանկապարտեզների) աղետների ռիսկի կառավարման (ԱՌԿ) պլանները, ներառյալ համաճարակների կանխարգելման, հանրային առողջապահության պահպանման և արտակարգ իրավիճակներում գործելու բաղադրիչը:
• Ստեղծել արագ արձագանքման թիմեր (ԱԱԹ)։
• Անցկացնել դասընթացներ և ուսումնավարժանքներ՝ արտակարգ իրավիճակներին արձագանքելու կարողությունները բարելավելու համար։

Ծրագրի իրականացման ընթացքում ԱՌՆԱՊ հիմնադրամը նախատեսում է համագործակցել ՀՀ ԱԻՆ-ի, ՀՀ ՏԿԶՆ-ի ՀՀ ԱՆ հիվանդությունների վերահսկման և կանխարգելման ազգային կենտրոնի (ՀՎԿԱԿ), Ճգնաժամային կառավարման պետական ակադեմիայի (ՃԿԱԿ), ՀԱՀ-ի թիրախ համայնքների ՏԻՄ-երի և ՀԿ-ների, ծրագրի մյուս թիրախ համայնքներում ծրագիրն իրականացնող կազմակերպությունների, շահագռգիռ այլ կառույցների հետ։

ՅՈւՆԻՍԵՖ-ը ԵՎ ԱՌՆԱՊ հիմնադրամը շարունակում են հզորացնել դպրոցների ԱՌԿ կարողությունները

Միացյալ Թագավորության կառավարության «Հակամարտությունների, կայունության և անվտանգության հիմնադրամի» (UK CSSF) կողմից ֆինանսավորվող «Վայոց Ձորի, Գեղարքունիքի և Սյունիքի մարզերի սահմանամերձ համայնքների դիմակայության ամրապնդում» ծրագրի 3-րդ փուլի շրջանակում ՅՈւՆԻՍԵՖ-ը և «ԱՌՆ ազգային պլատֆորմ» հիմնադրամը համատեղ շարունակում են վերոնշյալ մարզերի աղետների ռիսկի նվազեցման կարողությունների հզորացման աշխատանքները:

3-րդ փուլի շրջանակներում՝ այս պահին պլանավորված են աջակցություն տրամադրել ընդհանուր թվով 33 դպրոցի (մեկ դպրոց Վայոց Ձորի մարզում, 3 դպրոց Սյունիքի մարզում և 29 դպրոց Գեղարքունիքի մարզում): 33 դպրոցներից.
• 16-ում կմշակվի դպրոցի աղետների ռիսկի կառավարման պլանը և կիրականացվի երկօրյա դասընթաց «Աղետների ռիսկի նվազեցման հիմունքներ» թեմայով: Մյուս դպրոցների համար՝ նշված աշխատանքներն իրականացվել են ծրագրի 2-րդ փուլի ժամանակ:
• 29-ում կվերապատրաստվեն ազդարարման և տեղեկատվության փոխանակման, տարհանման և պատսպարման, հրդեհային անվտանգության, առաջին օգնության և առաջին հոգեբանական աջակցության ոլորտային խմբերում ընդգրկված աշխատակիցները և աշակերտները:
Առաջին օգնության դասընթացները կիրականացվեն տեղերում, իսկ մյուս ոլորտային խմբերի վերապատրաստումները՝ առցանց:
• 28-ում՝ հաշվի առնելով սպառանացող վտանգները, կմշակվեն գործնական պարապմունքների համար սցենարներ, որոնց հիման վրա յուրաքանյուր դպրոցում կկազմակերպվի և կիրականացվի մեկական վարժանք։

Ծրագիրը սկսվել է 2021թ-ի դեկտեմբերի 10-ին և կավարտվի 2022թ-ի ապրիլ ամսին:

Դեկտեմբեր ամսին արդեն իրականացվել են մի շարք պլանավորված աշխատանքներ: Մասնավորապես.
– Վերապատրաստվել են Խնձորեսկի, Կոռնիձորի, Տեղի թիվ 1 և թիվ 2 դպրոցների առաջին օգնության խմբի ներկայացուցիչները՝ ընդհանուր թվով 46 ներկայացուցիչ: Մանրամասն տես հղումով:
– Տրետուկի, Շատվանի, Կութի և Նորաբակի միջնակարգ դպրոցների համար մշակվել են աղետների ռիսկի կառավարման պլանները: Մանրամասն տես հղումով:
– Սկսվել են վերապատրաստումները թիրախ դպրոցներում առաջին հոգեբանական օգնություն տրամադրող խմբերի համար։ Երեք փուլից բաղկացած այս գործընթացի առաջին մասով արդեն վերապատրաստվել են Թթուջրի, Վահանի, Արտանիշի և Ջիլի միջնակարգ դպրոցների ներկայացուցիչները։

Պլանավորված մյուս աշխատանքները կիրականացվեն 2022թ-ին:

Հզորացվում են հասարարական կազմակերպությունների աղետների ռիսկի նվազեցման ԵՎ քաղաքացիական պաշտպանության կարողությունները

Միացյալ Թագավորության կառավարության «Հակամարտությունների, կայունության և անվտանգության հիմնադրամի» (UK CSSF) կողմից ֆինանսավորվող «Վայոց Ձորի, Գեղարքունիքի և Սյունիքի մարզերի սահմանամերձ համայնքների դիմակայության ամրապնդում» ծրագրի 3-րդ փուլի շրջանակում ՄԱԿ-ի Զարգացման ծրագրի (ՄԱԶԾ) հայաստանյան գրասենյակը «Լոռէ» փրկարար ջոկատի և «Աղետների ռիսկի նվազեցման ազգային պլատֆորմ» (ԱՌՆԱՊ) հիմնադրամի աջակցությամբ 2021թ-ի հոկտեմբերի 12-ից 23-ը կազմակերպեց և իրականացրեց չորս եռօրյա դասընթաց «Աղետների ռիսկի կառավարում և համայնքային դիմակայության ամրապնդում» թեմայով:

Դասընթացների նպատակն էր հզորացնել դասընթացում ներգրավված հասարակական կազմակերպությունների (ՀԿ)՝ աղետների ռիսկի նվազեցման (ԱՌՆ) և քաղաքացիական պաշտպանության կարողությունները:

Դասընթացի շրջանակում քննարկվեցին 10-ից ավելի թեմաներ, որոնք վերաբերում էին աղետների ռիսկի նվազեցմանը և քաղաքացիական պաշտպանությանը: Մասնավորապես՝ ներկայացվեցին և քննարկվեցին ԱՌՆ հիմունքները, «գենդերային հիմնախնդիրներ»-ը ԱՌՆ համատեքստում, կանանց հատուկ կարիքները արտակարգ իրավիճակներում՝ հատուկ շեշտելով վերարտադրողական առողջությունը, մոր և մանկան առողջության պահպանման համար անհրաժեշտ պայմանների ստեղծումը, քաղաքացիական պաշտպանության համակարգը, դրա նպատակը, բնակչության պաշտպանության ձևերը, դրանց կազմակերպման մեխանիզմները, տեղական մակարդակում ռիսկի կառավարման ընդունված մոտեցումները, ինչպես նաև՝ ԱՌՆ պլանավորման ընդունելի ձևաչափը նախադպրոցական ուսումնական հաստատությունների մակարդակում:
Քննարկվեց նաև վերնշյալ ծրագրի շրջանակներում ՀԿ-ների տրամադրվող փոքր դրամաշնորհների մասին:

Թիրախային 3 մարզերից դասընթացին մասնակցեցին 62 մասնակից 22 ՀԿ-ից, որից 28-ը՝ կին, 34-ը՝ տղամարդ:
Դասընթացների մասին ավելի շատ տեղեկատվություն կարող եք ստանալ հղումով:

«Տեղական մակարդակում ռիսկի կառավարում» (ՏՄՌԿ) մեթոդաբանությունը հարստացվում է կլիմայական ռիսկի բացահայտման գործիքակազմով

Ս.թ. նոյեմբերի 25-26-ին տեղի ունեցավ կլիմայական ռիսկի բացահայտման (ԿՌԲ) գործիքակազմով համալրված «Տեղական մակարդակում ռիսկի կառավարում» (ՏՄՌԿ) մեթոդաբանության ներկայացման և քննարկման աշխատաժողովը:

Նպատակն էր ԱՌՆԱՊ գործընկերներին ներկայացնել ՏՄՌԿ-ն ԿՌԲ գործիքակազմով հարստացնելու համար արված փոփոխությունները, Ալավերդի և Թումանյան համայնքներում դրանց փորձարկման արդյունքները, քննարկել դրանք, ինչպես նաև խոսել գործընթացի իրականացման հաջորդ քայլերի մասին:

Աշխատաժողովին մասնակցում էին ներկայացուցիչներ` ՀՀ արտակարգ իրավիճակների և շրջակա միջավայրի նախարարություններից, Ճգնաժամային կառավարման պետական և Գիտությունների ազգային ակադեմիաներից, ՄԱԿ-ի զարգացման ծրագրից, ՅՈւՆԻՍԵՖ-ից, ԱՌՆԱՊ հիմնադրամից, Կայուն կովկաս նախաձեռնությունից, Համայնքների ֆինասիստների միավորումից, «Լոռէ» փրկարար ջոկատից և Էկո-Խազեր ՀԿ-ից, ընդհանուր թվով` 25 մարդ (8 կին, 17 տղամարդ):

Աշխատաժողովի սկզբում ծրագրի փորձագետները ներկայացրին լրամշակված մեթոդաբանության կիրառման փորձը՝ հատուկ անդրադարձ կատարելով խոչնըդոտներին և նպաստող գործոններին: Յուրաքանչյուր կետ քննարկվեց: Մասնակիցները փորձեցին լուծումներ առաջարկել խոչընդոտների նվազեցման ուղղությամբ:

Այնուհետև՝ քննարկում ծավալվեց Կլիմայական ռիսկի բացահայտման նպատակով խոցելիության և կարողությունների բացահայտման (ԽԿԲ) գործիքակազմի կիրառման հնարավորությունների վերաբերյալ: Հնչեցին կարծիքներ, լուծումներ և առաջարկություններ:
Առանձնացված ներկայացվեց ՏՄՌԿ ներկայիս ԽԿԲ գործիքակազմում ԿՌԲ նպատակով առաջարկվող փոփոխությունները և կազմակերպվեց գործնական աշխատանք դրա շուրջ:
Բոլոր արժեքավոր առաջարկությունները և դիտարկումներն արձանագրվել են, որոնք փորձագետները մեթոդաբանության լրամշակման և վերջնականացման աշխատանքներում հաշվի կառնեն:

Քննակվեց նաև ՏՄՌԿ շրջանակներում ներկայացված փոփոխություններով ԿՌԲ կիրառման հետ կապված հետագա քայլերը:

Հաշվի առնելով, որ քննարկվելիք նյութի ծավալը մեծ էր, կարծիքները և առաջարկությունները բազմաբնույթ՝ աշխատաժողովի ավարտին պայմանավորվածություն ձեռք բերվեց, որ մասնակիցներն իրենց դիտարկումները հնարավորինս սեղմ ժամկետում կներկայացնեն փորձագետներին, ովքեր իրենց հերթին սեղմ ժամկետում վերջնականացված ՏՄՌԿ մեթոդաբանության նախագիծը կտրամադրեն գործընկերներին:

Աշխատաժողովն իրականացվեց ԱՌՆԱՊ հիմնադրամի և ՅՈւՆԻՍԵՖ-ի համատեղ ջանքերով՝ «Անվտանգ կրթական միջավայր երեխաների համար և դեռահասների մասնակցությունը, կլիմայական ռիսկերի գնահատում համայնքների համար» ծրագրի շրջանակներում, որի «Տեղական մակարդակում կլիմայական ռիսկերի գնահատում» բաղադրիչը ֆինանսավորվում է Ավսրիական զարգացման գործակալության կողմից:

Բարձրացել է աղետների ռիսկի նվազեցման գործընթացների կարևորման և արժևորման մակարդակը թե՛ մանկավարժների, և թե՛ սովորողների շրջանում

«Աղետների ռիսկի նվազեցման ազգային պլատֆորմ» հիմնադրամի և ՅՈՒՆԻՍԵՖ-ի կողմից համատեղ իրականացվող «Անվտանգ կրթական միջավայր երեխաների համար և դեռահասների մասնակցությունը, կլիմայական ռիսկերի գնահատում համայնքների համար» ծրագրի ևս մեկ բաղադրիչ էր «Սովորողների և ուսուցիչների շրջանում վարքագծի և գիտելիքների փոփոխության» ուսումնասիրությունը։

Հետազոտության հիմնական նպատակն էր գնահատել ծրագրի թիրախ դպրոցներում սովորողների և ուսուցիչների վարքագծի և գիտելիքների փոփոխությունը ծրագրի իրականացման ընթացքում/արդյունքում, ինչպես նաև համեմատական անցկացնել 2019թ-ին իրականացված հետազոտության արդյունքների հետ:

Հետազոտությունը իրականացվել է երկու փուլով.
• Փուլ 1 – մինչև ծրագրի հիմնական գործողությունների սկիզբը։
• Փուլ 2 – ծրագրի ավարտին։

Հետազոտությունը իրականացնելու համար՝ մշակվել էր հարցաշարեր բաղկացած 35 հարցից, որոնք ուղղված էին պարզելու.
• Գնահատման մասնակիցների գիտելիքները՝ վտանգավոր երևույթների, աղետների վերաբերյալ,
• Գնահատման մասնակիցների տեղեկացվածությունը՝ իրենց համայնքին բնորոշ վտանգների վերաբերյալ,
• Գնահատման մասնակիցների պատրաստվածությունը՝ իրենց համայնքին բնորոշ վտանգներին դիմակայելու վերաբերյալ,
• Տվյալ ուսումնական հաստատության ԱՌՆ ուղղված քայլերը,
• Ուսումնական հաստատության ԱՌՆ միջոցառումներին բազմակողմանի մասնակցությունը,
• Ուսումնական հաստատության ԱՌՆ կրթության որակը,
• ԿԱՊԿՈՒ երեխաների ներգրավվածությունը ԱՌՆ միջոցառումներին,
• և այլն:

Գնահատումն իրականացվել է անանուն։ Մինչ գնահատման սկիզբը մասնակիցներին բացատրվել է գնահատման նպատակը, աշակերտներին տրվել է հարցաթերթիկը լրացնելուց հրաժարվելու հնարավորություն։ Գնահատման ընթացքում աշակերտները եղել են առանձին. ո՛չ մանակավարժները, և ո՛չ էլ դպրոցի վարչական աշխատողները չեն միջամտել աշակերտների հարցման գործընթացին։ Գնահատմանն, ընդհանուր առմամբ, մասնակցել է մոտ 300 մարդ:

Հետազոտության արդյունքները համեմատվել են 2019թ-ին արված ուսումնասիրության արդյունքների հետ. Ստորև ներկայացված են առանցքային մի շարք դիտարկումներ.

• Ավելի շատ վտանգներ են նշվել, որոնք սպառնում են համայնքին, քան 2019թ-ին էր արձանագրվել։ Համայնքերի ԱՌԿ պլանները, ինչպես նաև ՏՄՌԿ հետազոտությունները վկայում են, որ նշված վտանգներն իրոք սպառնում են թիրախ համայնքներին:
• Ի տարբերություն 2019թ․-ի ուսումնասիրության արդյունքների՝ գնահատման մասնակիցները ավելի լավ էին իրազեկված երկրաշարժի մասին, երկրաշարժից առաջ, ընթացքում և հետո՝ վարքագծի կանոններին։ Տեսական գիտելիքները ավելացել են, բայց գործնական վարժանքներն իրականացվում են ոչ լիարժեք և ոչ անհրաժեշտ քանակով։ Վարժանքները սահմանափակվում են տարհանում իրականացնելով:
• Չնայած նրան, որ Հայաստանի բոլոր դպրոցներն անցել են ներառական կրթության, այնուամենայնիվ, ոչ բոլորը գիտեն, թե ինչպես է պետք կազմակերպել ԿԱՊԿՈՒ երեխաների տարհանումը։ Սակայն, ի տարբերություն 2019թ․-ի ցուցանիշների՝ այստեղ բավականին առաջընթաց է գրանցվել։
• Մասնակիցների զգալի մասը նշել է, որ իրենց ուսումնական հաստատությունում առկա է տարբեր բնույթի ԱՌՆ տեղեկատվական ցուցանակներ կամ պաստառներ։ 2019թ․-ի համեմատ՝ դրանք ավելացել են։
• 2019 թ-ի ուսումնասիրության արդյունքների հետ համեմատած՝ բարձրացել է ԱՌՆ գիտելիքների մակարդակը և ԱՌՆ-ն արժևորելու մակարդակը թե՛ մանկավարժների, և թե՛ սովորողների շրջանում։

Մշակվել է «Աղետների ռիսկի կառավարման համատեքստում վարքագծի փոփոխության ռազմավարությունը/ճանապարհային քարտեզ»-ը

«Աղետների ռիսկի նվազեցման ազգային պլատֆորմ» (ԱՌՆԱՊ) հիմնադրամի և ՅՈւՆԻՍԵՖ-ի կողմից համատեղ իրականացվող «Անվտանգ կրթական միջավայր երեխաների համար և դեռահասների մասնակցությունը, կլիմայական ռիսկերի գնահատում համայնքների համար» ծրագրի ևս մեկ գործողություն է «Աղետների ռիսկի կառավարման (ԱՌԿ) համատեքստում վարքագծի փոփոխության ռազմավարությունը /ճանապարհային քարտեզ»-ի մշակումը։

Նպատակն է Հայաստանում աղետների ռիսկի կառավարման համատեքստում’ իրավիճակի գնահատման և վերլուծության արդյունքում, մշակել ճանապարհային քարտեզ, ձևավորել առաջարկությունների փաթեթ, որոնք ուղղված կլինեն ԱՌԿ, դիմակայունության և կլիմայի փոփոխության հարմարվողականության (ԿՓՀ) կարևորության բարձրացմանը՝ օրենսդրական դաշտի բարելավման և բնակչության շրջանում վարքագծի փոփոխությանն ուղղված գործողությունների միջոցով:

«ԱՌԿ համատեքստում վարքագծի փոփոխության ռազմավարությունը/ճանապարհային քարտեզ»-ի մշակման համար` իրականացվել է կարիքների գնահատում, որն իր մեջ ներառել է․

– Օրենսդրական դաշտի, միջազգային և տեղական փորձի, կարիքների և բացերի ԱՌՆ և ԿՓՀ ոլորտների և վարքագծի փոփոխության վերաբերյալ մանրամասն ուսումնասիրությունը։
– Հարցազրույցների իրականացնումը մի շարք նախարարությունների ներկայացուցիչների, համայնքների ղեկավարների, ուսումնական հաստատությունների ղեկավար կազմի, միջազգային և տեղական գործընկերների և ոլորտային անկախ փորձագետների հետ:
– Ֆոկուս խմբերում քննարկումները՝ Թումանյան, Ալավերդի, Ամասիա և Բերդ խոշորացված համայնքների դպրոցների ուսուցիչների և աշակերտների հետ։
– Եվ այլն:

Կարիքների գնահատման գործընթացում՝ ընդհանուր առմամբ ներգրավվել են շուրջ 115 մարդ։

Վարքագծի փոփոխության ճանապարհային քարտեզը վերջնականացնելու նպատակով՝ ներկայացվել ու քննարկվել է նաև ԱՌՆ ազգային պլատֆորմի գործընկերների հետ՝ հոկտեմբերի 20-ին կազմակերպված հանդիպման ընթացքում (մասնակիցների թիվը՝ 9, որից 7-ը տղամարդ): Բանավոր հնչած և գրավոր ներկայացված բոլոր առաջարկությունները հաշվի են առնվել փաստաթուղթը վերջնական տեսքի բերելուց:

Գործընթացն իրականացվել է ՄԱԿ-ի հայաստանյան գրասենյակի «Մարդկային անվտանգության բարելավումը Հայաստանի համայնքներում» ծրագրի ներքո, որը ֆինանսավորում է ՄԱԿ-ի Մարդկային ավտանգության հիմնադրամը: